HORTÍCOLAS

Dende a Unidade de Educación Especial do IES inicio con ilusión, o Proxecto “O horto escolar” , unha actividade interxeneracional onde contamos coa sabedoría e experiencia dos maiores (centro de maiores da zona) e os usuarios da asociación AMICOS. Non cabe dúbida, que o horto escolar ofrécenos unha gran oportunidade educativa para traballar hábitos, valores, cooperación, participación, autonomía e competencias básicas de maneira transversal. Ademais, ter un horto na escola vai favorecer o desenvolvemento individual e social do noso alumnado, e o seu benestar físico e psicolóxico, xa que imos traballar nun espazo exterior en contacto coa natureza e os alumnos/as parten da acción e a práctica para acadar as aprendizaxes dunha maneira máis motivadora para eles.